Nitam indamaagenan

Miika apii Manidoo Giziis 2021, Gaanada kizhidibaagonige ogimaakan ki-onagonaganii zhi-oshisidot, niigaan binamaa zhikagezhimaat gaye zhiidanokimikot Anishinaabe gadanokimidi-at, gababaiikishi dibaaganisimaagagin ogimaah agii gana-ezhigenan, zhidashindamo-at Anishinaabe dibaagonige a-enazhigeni baagan gadozhiganii-at gaye apiizhi ebadino-at Anishinaabek ka-dibagonida.

Okibiminishaan gagishi-onagonit, miika apii 2021 agonag 2024, Gaanada ogimaakan okiidanokimiko’i Anishinaabe, Inuit gaye wiisaagodewinini dashigena, gaabaminamo-at anokiinan gaye ogimaah anokiinan, dago gababaiikishi dibaaganisimaagagin ogimaakanan, eki-a-eshisido’at Gaanada ogimaakan Anishinaabe dibaagonige a-enazhigen zhi-abazhizhigaadeg getokigemaagag zhibimi-anogaadeg idanokimidiin. mimaa gagi-ondinigaadegin gagimaamaa dashindamaadi-at genazhiganiwag gaye gagi-oshisido’at odibazhimo’ini-a Anishinaabek, Inuit, gaye Wiisaagodewinniniwag ka’ogimaah baminigedamaage-at gaye anokiinan, oki-oshisidon Gaanada ogimaakan o’weni Gagi-onasinagaadegin nitam gigagezhimidinaniwag gekonan maaya gedashintegin zhiki-abadagibaan genozhimaazhi-anogaadeg o’we Anishinaabe dibaagonige a-enazhigen. mi-o’e apiizhi eshbag gainazhigaadeg gaye nitam enimaazhizhigaadeg gagimaamaadashintegin gaye gagi bimi-oshisizhigaadegin.

Maamaaw 26 gekonan oki kikinaazhi indanaa geni niigaani-anogaadegin Anishinaabek gadanokimidi-at, gagidaso maadizinda, gagidashi nanagishganda, gagi-andamo-at baagan gadozhiganii-at gaye apiizhi nipi-a gagiba’onda Anishinaabe kadibagonida. ga-ozhi giga-endagag inaganisiin gagi-oshipi-amo-at oki-abazhidonaa genishimaadanokido’at Anishinaabe, Inuit gaye wiisaagodewinini gagi-ozhi idanokimidi-at. O’we Anishinaabe dibaagonige a-enazhigen, dago niigaan geni-anogaadegin gaye ga-ozhi giga-endagag inaganisiin gagi-oshipi-amo-at e-ozhi kikibimaadizi-at. omaa inzhigemaagan Anishinaabe gemaa Inuit, wiisaagodewinini gazhiidi-at mibiko gagina ganida ga-Anishinaabe-at, Inuit gaye wiisaagodewinini ka’ogimaah baminige-at gaye gaabaminamo-at anokiinan, dago ogimaah ashodamaago’inan gaye dibina-e ogimaa bimiinidiso’inan.