ᑐᑭᓯᑎᑦᑎᓂᖅ

ᔭᓐᓄᐊᓕ 2021ᒥ, ᑖᓐᓇ ᒥᓂᔅᑕ ᐃᖅᑲᖅᑐᐃᕕᓕᕆᓂᕐᒧᑦ ᐊᒻᒪᓗ ᒪᓕᒐᓕᕆᔨᕐᔪᐊᖓᑦ ᑲᓇᑕᐅᑉ ᑲᒪᓪᓚᕆᖁᔭᐅᓯᒪᕗᖅ ᒪᑐᒥᖓ ᐱᕙᓪᓕᐊᑎᑦᓯᓂᕐᒥᒃ, ᐅᖃᖃᑎᖃᕐᓗᓂ ᐊᒻᒪᓗ ᑲᒪᖃᑎᖃᑦᓯᐊᕐᓗᓂᓗ ᑕᒪᒃᑯᓂᖓ ᓄᓇᖃᖅᑳᖅᓯᒪᔪᓂᒃ ᑲᒪᖃᑕᐅᔪᓂᒃ, ᐳᕌᕙᓐᓯᓂᒃ, ᐊᒻᒪᓗ ᐊᕕᑦᑐᖅᓯᒪᔪᓂᓪᓗ, ᒪᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᒪᓐᓇ ᓵᓐᖓᔭᐅᖁᓪᓗᒍ ᐋᖅᑭᓱᖅᑕᐅᓯᒪᔪᓄᑦ ᐱᓂᕐᓗᑦᑕᐅᖃᑦᑕᖅᑐᓂᒃ ᐊᒻᒪᓗ ᐱᑕᖃᓗᐊᓕᕐᓂᖏᓐᓄᑦ ᒪᑯᓂᖓ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂᒃ.

ᒪᓕᑦᓱᓂ ᑕᒪᑐᒧᖓ ᑲᒪᒋᔭᐅᓪᓚᕆᖁᔭᒧᑦ, ᐱᒋᐊᖅᓱᓂ 2021-2024ᒧᓄᑦ, ᑲᓇᑕ ᐃᖅᑲᓇᐃᔭᖃᑎᖃᖃᑦᑕᔪᕗᑦ ᑕᒪᒃᑯᓂᖓ ᐊᓪᓚᓂᒃ, ᐃᓄᓐᓂᒃ ᐊᒻᒪᓗ ᐊᓪᓚᖓᔪᓂᓪᓗ ᓄᓇᓕᓐᓄᑦ ᐃᓚᒋᔭᐅᔪᓂᒃ, ᑭᒡᒐᑐᖅᑐᓂᒃ ᑎᒥᖁᑎᓂᒃ ᐊᒻᒪᓗ ᒐᕙᒪᓂᓪᓗ, ᐊᒻᒪᓗᑦᑕᐅᖅ ᒪᑯᓂᖓ ᐳᕌᕙᓐᓯᓂᒃ ᐊᒻᒪᓗ ᐊᕕᑦᑐᖅᓯᒪᔪᑦ ᒐᕙᒪᖏᓐᓂᒃ, ᐱᕙᓪᓕᐊᑎᑦᓯᒐᓱᐊᖅᓱᑎᒃ ᒪᑐᒥᖓ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᒥᒃ ᐃᒫᒃ ᐱᑎᑦᓯᒐᔭᖅᑐᒥᒃ ᑐᓐᖓᕕᑦᓴᒥᒃ ᑕᐃᒫᒃ ᑲᔪᓯᓯᒪᒃᑲᓐᓂᖁᓪᓗᒍ ᐃᖅᑲᓇᐃᔭᖃᑎᒌᓐᓂᐅᔪᖅ ᑲᒪᖃᑎᒌᓐᓂᒃᑯᑦ.. ᑐᓐᖓᕕᐅᓪᓗᑎᒃ ᑕᒪᒃᑯᐊ ᑲᒪᖃᑎᒌᓐᓂᒃᑯᑦ ᐅᖃᖃᑎᒌᓐᓂᐅᔪᑦ ᐊᒻᒪᓗ ᒪᑯᓄᖓ ᑐᓴᖅᑎᑦᓯᒍᑎᓄᑦ ᑐᓂᔭᐅᕙᑦᑐᓄᑦ ᑕᒪᒃᑯᓄᖓ ᐊᓪᓚᓄᑦ, ᐃᓄᓐᓄᑦ, ᐊᒻᒪᓗ ᐊᓪᓚᖓᔪᐃᑦ ᒐᕙᒪᖏᓐᓄᑦ ᐊᒻᒪᓗ ᑎᒥᖁᑎᖏᓐᓄᓪᓗ, ᑲᓇᑕ ᐱᕙᓪᓕᐊᑎᑦᓯᓯᒪᕗᖅ ᐆᒥᖓ ᐱᒻᒪᕆᐅᔪᑦ ᓱᓇᐅᓂᖏᑦ ᐅᖃᖃᑎᒌᓐᓂᕐᒧᑦ ᓯᕗᓪᓕᐹᖅᓯᐅᑎ ᑕᒪᓐᓇᓗ ᐊᑐᖅᑕᐅᒍᓐᓇᖅᑐᓂᒃ ᑐᓐᖓᕕᐅᓗᓂ ᒪᑐᒧᖓ ᓄᓇᖃᖅᑳᖅᓯᒪᔪᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓲᑎᐅᒐᓱᐊᕈᑎᒧᑦ. ᑕᒪᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ ᐃᒫᒃ ᐃᓱᐊᓃᑉᐳᖅ ᒪᑦᓱᒪ, ᐊᒻᒪᓗ ᓯᕗᓪᓕᐸᐅᓪᓗᓂ ᐊᓪᓗᕆᐊᕐᓂᐅᕗᖅ ᑭᐅᔭᐅᖁᓪᓗᒋᒃ ᐅᑯᐊ ᑲᒪᖃᑎᒌᓐᓂᐅᔫᒃ ᐊᒻᒪᓗ ᑲᒪᖃᑎᒌᓐᓂᒃᑯᑦ−ᐱᕙᓪᓕᐊᑎᑦᓯᓂᕐᒧᑦ ᑲᒪᒐᓱᐊᕈᓯᐅᔪᒥᒃ.

ᐅᑯᐊ 26ᖑᔪᑦ ᑲᒪᑎᑦᓯᒐᓱᐊᕐᓂᖏᑦ ᓱᓇᐅᓂᖏᑦ ᑭᒡᒐᖅᑐᐃᕗᑦ ᒪᑯᓂᖓ ᐱᒻᒪᕆᒋᔭᖏᓐᓂᒃ ᓇᓗᓇᐃᖅᑕᖏᓐᓂᒃ ᒪᑯᐊ ᓄᓇᖃᖅᑳᖅᓯᒪᓪᓗᑎᒃ ᑲᒪᖃᑕᓄᑦ, ᓇᐅᒃᑯᑐᐃᓐᓇᖅ ᐊᔾᔨᒋᔭᐅᓐᖏᓐᓂᓕᓐᓄᑦ, ᑐᓐᖓᕕᐅᓗᓂ ᒪᓐᓇ ᑲᒪᖃᑎᒌᓐᓂᖅ, ᒪᓐᓇ ᓵᓐᖓᔭᐅᖁᓪᓗᒍ ᐋᖅᑭᓱᖅᑕᐅᓯᒪᔪᓄᑦ ᐱᓂᕐᓗᑦᑕᐅᓂᐅᕙᑦᑕᖅ ᐊᒻᒪᓗ ᐱᑕᖃᓗᐊᓕᕐᓂᖏᓐᓄᑦ ᒪᑯᓂᖓ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ ᐃᓗᐊᓂ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᓱᖅᑕᐅᓯᒪᔪᓂ. ᐊᔾᔨᒌᓐᖏᓐᓂᖏᓐᓄᑦ−ᑐᓐᖓᕕᖃᖅᑐᑦ ᑐᕌᖓᔪᑦ ᓇᓗᓇᐃᔭᐃᕗᑦ ᐱᒻᒪᕆᓐᓂᒃ ᑕᒪᒃᑯᓂᖓ ᑲᒪᒋᒋᐊᓕᓐᓂᒃ ᑖᒃᑯᓇᓐᖔᖅᑐᓂᒃ ᐊᓪᓚᓂᒃ, ᐃᓄᓐᓂᒃ ᐊᒻᒪᓗ ᐊᓪᓚᖓᔪᓃᓐᖔᖅᑐᓂᓪᓗ ᑲᒪᖃᑎᒌᑦᑐᑦ−ᐱᕙᓪᓕᐊᔪᓕᕆᓂᕐᒥᒃ ᑲᒪᖃᑎᒌᑦᑐᓄᑦ. ᑖᓐᓇ ᓄᓇᖃᖅᑳᖅᓯᒪᔪᓄᑦ ᐃᖅᑲᖅᑐᐃᕕᓕᕆᓂᕐᒧᑦ ᐋᖅᑭᑦᓱᐃᑎᐅᒐᓱᐊᖅᑐᖅ, ᐃᓚᒋᔭᐅᓪᓗᑎᒃ ᑕᒪᒃᑯᐊ ᐱᒻᒪᕆᖁᑎᖏᑦ ᑲᒪᒋᔭᐅᒋᐊᓖᑦ ᓱᓇᐅᔪᑦ ᐊᒻᒪᓗ ᑕᒪᒃᑯᐊᓗ ᐊᔾᔨᒌᓐᖏᓐᓂᖏᓐᓄᑦ−ᑐᓐᖓᕕᖃᖅᑐᑦ ᑐᕌᖓᔪᑦ, ᑖᒃᑯᐊ ᐃᓱᒪᒋᔭᐅᔪᑦ ᐊᑦᑐᐊᒍᑎᒋᐊᖏᓐᓂᒃ. ᐅᕙᓂ ᑐᕌᖓᔪᑦ, ᐅᖃᐅᓯᖃᖅᑐᑦ ᒪᑯᓂᖓ “ᓄᓇᖃᖅᑳᖅᓯᒪᔪᑦ” ᐅᕝᕙᓘᓐᓃᑦ “ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᑦ” ᑲᒪᖃᑕᐅᔪᑦ ᐃᓚᒍᑦᓯᐅᔾᔨᕗᑦ ᐊᓪᓚᐃᑦ, ᐃᓄᐃᑦ, ᐊᓪᓚᖓᔪᑦ ᒐᕙᒪᖏᓐᓂᒃ ᐊᒻᒪᓗ ᑭᒡᒐᑐᖅᑎᓂᒃ ᑎᒥᐅᔪᓂᒃ, ᐊᒻᒪᓗᑦᑕᐅᖅ ᓄᓇᖃᖅᑳᖅᓯᒪᔪᑦ ᐊᖏᖃᑎᒌᒍᑎᐅᓯᒪᔪᓄᑦ ᑲᒪᖃᑕᐅᔪᑦ ᐊᒻᒪᓗ ᓇᒻᒥᓂᖅ−ᐊᐅᓚᑦᓯᔪᑦ ᓄᓇᖃᖅᑳᖅᓯᒪᔪᑦ ᒐᕙᒪᖏᓐᓂᒃ.